Беларуская школа ў Каме: ад шанцаў да права на адукацыю

(2010-2011)

Праект «Беларуская школа ў Каме: ад шанцаў да права на адукацыю»
раэлізаваўся ў 2010-2011 гг. у межах праграмы «ЕЎРАПЕЙЦЫ ЗА МІР» фонда «Памяць, адказнасць і будучыня». Асноўнай мэтай праекта было даследаванне пытання доступу да адукацыі ў пасляваенны перыяд для розных груп моладзі у Германіі і Беларусі.

Праект рэалізаваўся сумесна Народным універсітэтам г. Кама і Прадстаўніцтвам зарэгістраванага аб’яднання «Deutscher Volkshochschul-Verband e.V.» (Федэратыўная Рэспубліка Германія) у Рэспубліцы Беларусь. У рэалізацыі праекта таксама прынялі ўдзел вучні і настаўнікі гімназіі імя Роберта Шумана г. Кама і СШ № 1 г. Навагрудка.

Праект «Беларуская школа ў Каме: ад шанцаў да права на адукацыю» быў накіраваны на азнаямленне з магчымасцямі атрымання адукацыі ў пасляваенны час ў Германіі і Беларусі. Асаблівую ўвагу школьнікі з Кама і Навагрудка надавалі вывучэнню адукацыйных магчымасцяў, што мелі дзеці беларускіх эмігрантаў у вёсцы Міхельсдорф ля Кама. Менавіта там і існавала пэўны час Беларуская гімназія імя Янкі Купалы. Удзельнікі праекта праводзілі даследванні, размаўлялі са сведкамі таго часу, абменьваліся вынікамі сваёй працы праз Інтэрнэт, а таксама падчас двух сустрэч, якія адбыліся ў кастрычніку 2010 г. ў Навагрудку і ў сакавіку 2011 г. у Каме.

Акрамя таго, у межах праекта беларускія і нямецкія школьнікі знаёміліся з развіццём права на адукацыю ў Еўропе, а таксама ў абедзвюх краінах, якія ўдзельнічалі у праекце, абмяркоўвалі праблему права атрымання адукацыі на сваёй роднай мове, высвятлялі, ці даюць сучасныя сістэмы адукацыі ў Беларусі і Германіі роўныя правы на атрыманне адукацыі для ўсіх груп насельніцтва.

25 сакавіка 2011 г. у г. Каме адбылося адкрыццё выставы, прысвечанай тэме праекта. А у лістападзе 2011 г. госці з Кама зноў завіталі ў Навагрудак, каб паўдзельнічаць у адкрыцці выставы «Беларуская школа ў Каме», а таксама ў семінары «Міжнароднае супрацоўніцтва ў адукацыі», у ходзе якога былі падведзеныя вынікі сумеснага беларуска-нямецкага праекта, а таксама абмеркаваныя магчымыя напрамкі супрацоўніцтва ў будучыні.

Падчас праекта быў падрыхтаваны відэафільм, прысвечаны візіту беларускіх школьнікаў у г. Кам і адкрыццю выставы. Пазнаёміцца з кароткай версіяй фільма можна тут.

Кантактная асоба

Глава Прадстаўніцтва

Галіна Верамейчык

+375(17) 207 98 35
veramejchyk@dvv-international.by

Cookie-Settings
ВЫ ПАКІДАЕЦЕ САЙТ DVV INTERNATIONAL
Важная заўвага: калі вы пройдзеце па гэтай спасылцы, вы пакінеце сайт DVV International. DVV International не валодае правамі на вэбсайты трэціх асоб, даступныя па спасылках, і не нясе адказнасці за іх змест. DVV International не мае ніякага ўплыву на тое, якія персанальныя дадзеныя будуць апрацоўвацца на гэтым сайце. Дадатковую інфармацыю можна знайсці ў дэкларацыі пра абарону дадзеных правайдара на вонкавым вэбсайце.