Сумесная праграма «Горад, які навучаецца для крэатыўнай эканомікі»

З прыняццем абласных стратэгій устойлівага развіцця на перыяд 2016-2025 Рэспубліка Беларусь зрабіла важны крок на шляху да ўкаранення прынцыпаў ўстойлівага развіцця на рэгіянальным узроўні. Да фактараў, якія забяспечваюць паспяховую рэалізацыю гэтых стратэгій, адносяць таксама змену існуючых адукацыйных практык і распаўсюджванне ідэй навучання на працягу ўсяго жыцця. Спрыяць гэтаму можа ўкараненне канцэпцыі «горада / рэгіёна, які навучаецца», якая прадугледжвае:

- пашырэнне міжсектарнага супрацоўніцтва ў адукацыйных мэтах і ўцягванне мясцовых гульцоў (устаноў адукацыі, прадпрыемстваў, арганізацый грамадзянскай супольнасці, устаноў культуры і сацабароны) у вызначэнне адукацыйных прыярытэтаў;

- арыентацыя на патрэбы мясцовых жыхароў, супольнасцяў, асобных арганізацый і тэрыторый, а таксама інтэграцыя адукацыі і навучання ва ўсе працэсы на лакальным узроўні;

- дасягненне сінэргетычнага эфекту праз сумеснае выкарыстанне даступных рэсурсаў.

Для ўкаранення і папулярызацыі дадзенай канцэпцыі на тэрыторыі Рэспублікі Беларусь была распрацавана праграма «Горад, які навучаецца для крэатыўнай эканомікі». Яе мэта – садзейнічанне рэалізацыі абласных стратэгій устойлівага развіцця на 2016-2025 гады пры дапамозе развіцця міжсектарнага супрацоўніцтва, а таксама прасоўвання ідэй крэатыўнай эканомікі і канцэпцыі «горад, які навучаецца».

Праграма прадугледжвае вырашэнне наступных задач:

• папулярызацыя канцэпцыі «горад, які навучаецца» і ідэй крэатыўнай эканомікі сярод прадстаўнікоў мясцовай улады, устаноў адукацыі, бізнесу і грамадзянскай супольнасці;

• павышэнне кампетэнцый прадстаўнікоў адукацыйных устаноў і малога бізнэсу, зацікаўленых у распрацоўцы інавацыйных прадуктаў / паслуг / стратэгій, а таксама ўцягванне іх у рэалізацыю абласных стратэгій устойлівага развіцця;

• умацаванне міжсектарнага супрацоўніцтва з мэтай ўстойлівага развіцця гарадоў на аснове ідэй «горад, які навучаецца» і «крэатыўная эканоміка».

Мэтавыя групы:

- спецыялісты сферы фармальнай і нефармальнай адукацыі дарослых (дзяржустаноў, няўрадавых арганізацый, прыватных трэнінгавых цэнтраў);

- прадпрымальнікі, прадстаўнікі малога бізнэсу, зацікаўленыя ў развіцці крэатыўнай эканомікі;

- прадстаўнікі мясцовай улады.

Тэрыторыя дзейнасці: г. Гомель, г. Віцебск, г. Мінск

Тэрмін рэалізацыі: май 2017 – снежань 2018

Галоўны выканаўца: DVV International (Інстытут міжнароднага супрацоўніцтва Нямецкай асацыяцыі народных універсітэтаў); на тэрыторыі РБ – праз Прадстаўніцтва зарэгістраванага аб'яднання "Deutscher Volkshochschul-Verband e.V.» (ФРГ) у РБ.

Партнёры:

- Асацыяцыя дадатковай адукацыі і асветы;

- Асацыяцыя бізнес-адукацыі;

- Асветніцкая ўстанова «Сацыяльныя інтэрвенцыі».

Асноўныя кампаненты праграмы:

- 2 круглых стала ў пілотных рэгіёнах (Віцебск, Гомель),

- Канферэнцыя "Горад, які навучаецца для крэатыўнай эканомікі" (Мінск),

- 2 двухдзённых трэнінга для прадстаўнікоў адукацыйных / бізнэс-арганізацый і няўрадавых арганізацый на тэму " Горад, які навучаецца для крэатыўнай эканомікі",

- конкурс на рэалізацыю стартапаў ў галіне "крэатыўнай эканомікі" у 2-х пілотных гарадах (Віцебск, Гомель),

- рэалізацыя 4 стартапаў у пілотных рэгіёнах (Віцебск, Гомель),

- заключны форум "Горад, які навучаецца для крэатыўнай эканомікі, і ўстойлівае развіццё".

Запланаваныя ў праграме мерапрыемствы грунтуюцца на трох прынцыпах:

1. азнаямленне ўсіх удзельнікаў з прыярытэтамі і мэтамі абласных стратэгій устойлівага развіцця,

2. прыўнясенне новых ідэй і падыходаў у практыку работы мясцовых арганізацый,

3. стварэнне міжсектарных каманд і рабочых груп для ўдзелу ў праекце і сумесная распрацоўка ідэй / праграм / праектаў.

Такім чынам праграма заклікана садзейнічаць рэалізацыі Нацыянальнай стратэгіі ўстойлівага сацыяльна-эканамічнага развіцця Рэспублікі Беларусь на перыяд да 2030 года, адным з палажэнняў якой з'яўляецца «пераход да высокатэхналагічнай эканомікі, заснаванай на ведах і інавацыях».

Кантактная асоба

Каардынатар праекта

Наталля Прыстром

+375(17) 207 98 35
pristrom@dvv-international.by