Прадстаўніцтва зарэгістраванага аб'яднання "Deutscher Volkshochschul-Verband e.V." (Федэратыўная Рэспубліка Германія) у Рэспубліцы Беларусь працягвае прыём заявак на ўдзел у тэндэры на распрацоўку вучэбна-метадычнага дапаможніка «Сеткавае ўзаемадзеянне, адвакатаванне і выкарыстанне новых медыя ў нефармальнай і грамадзянскай адукацыі».
Дадзены дапаможнік разглядаецца як базавы навучальны матэрыял для правядзення аднайменнага модуля навучальнага курса «Школа менеджэраў», арганізаванага ў рамках праекта "Вучыцца, каб дзейнічаць".
Асноўныя задачы дадзенага модуля - павышэнне дасведчанасці спецыялістаў недзяржаўных некамерцыйных арганізацый аб важнасці сучасных медыя і каналаў камунікацыі, тэхналогіях пабудовы эфектыўнага ўзаемадзеяння з рознымі суб'ектамі ў галіне адукацыі дарослых, засваенне мэтавай групай асноў пабудовы адвакацыйных кампаній для абароны правоў уразлівых грамадзян на адукацыю, выкарыстанне розных каналаў і метадаў камунікацыі ў працэсе кіравання адукацыйнымі паслугамі для эфектыўнай дзейнасці сваёй арганізацыі / ініцыятывы.
Такім чынам, дапаможнік павінен спрыяць дасягненню мэтаў і задач модуля і ўключаць у сябе базавыя звесткі па пазначаным тэмах, а таксама сцэнарыі правядзення заняткаў з падборкай розных метадаў і практыкаванняў для правядзення заняткаў.
Уся падрабязная інфармацыя даступная ў тэхнічным заданні да конкурсу.
Для ўдзелу ў тэндэры неабходна запоўніць заяўку па спасылцы да 25 студзеня 2018 г.
Кантактная асоба: Іна Краўчонак, kravchonok@dvv-international.by , +375 29 1719397