"Прафесіяналізацыя цэнтраў адукацыі дарослых" - асноўны праект Прадстаўніцтва DVV International на тэрыторыі Беларусі, які з'яўляецца часткай больш буйнога праекта DVV International "Прафесіяналізацыя цэнтраў адукацыі дарослых у Еўропе" і працягам праекта "Развіццё адукацыі дарослых у Беларусі", які фінансуецца са сродкаў Федэральнага міністэрства эканамічнага супрацоўніцтва і развіцця (BMZ).
У рамках праекта «Конкурсы па гісторыі ў Беларусі, Грузіі, Малдове, Украіне 2.0» (2019/20).
Праект накіраваны на прасоўванне конкурсаў па гісторыі як аднаго з інструментаў адукацыі грамадзянскай супольнасці і фарміравання інклюзіўнай культуры памяці і ўспамінаў.
Праект робіць унёсак у развіццё Міжнароднай сеткі пенітэнцыярнай адукацыі ў краінах Усходняга партнёрства і Цэнтральнай Азіі ў Арменіі, Беларусі, Малдове і Украіне і спрыяе захаванню правоў чалавека на адукацыю ў папраўчых установах.
(люты 2016 - cакавік 2019)
З уступленнем у дзеянне Кодэкса Рэспублікі Беларусь аб адукацыі і шэрагу спадарожных пастаноў і палажэнняў трактоўка паняцця “дадатковая адукацыя дарослых” істотна пашырылася: цяпер пад адукацыяй дарослых фактычна разумеецца не толькі сістэма павышэння кваліфікацыі, а любое арганізаванае навучанне дарослых (у тым ліку, нефармальнае). Усё гэта стварае новыя магчымасці і ставіць новыя задачы, сярод якіх: забеспячэнне эфектыўнага ўзаемадзеяння розных сацыяльных партнёраў, развіццё рэгіянальных сістэм дадатковай і нефармальнай адукацыі дарослых і іх аптымізацыя ў адпаведнасці з патрэбамі рэгіёнаў і інш. Праект “Learn to Act” / “Вучыцца, каб дзейнічаць» закліканы садзейнічаць вырашэнню гэтых задач.
(май 2018 – кастрычнік 2019)
Праграмы грамадзянскай адукацыі дарослых закліканы садзейнічаць умацаванню дэмакратызацыі ва Украіне і Беларусі. Для дасягнення гэтай мэты арганізацыі грамадзянскай супольнасці, якія дзейнічаюць у галіне нефармальнай адукацыі моладзі і дарослых ва Украіне і Беларусі, павінны мець магчымасць распрацоўваць і рэалізоўваць праграмы грамадзянскай адукацыі дарослых, грунтуючыся на фактычных патрэбах, а таксама забяспечваць доўгатэрміновую матэрыяльную і фінансавую падтрымку грамадзянскай адукацыі з боку органаў мясцовага самакіравання.
Чытаць далей
Наверх
Друк