Кантактная асоба

Каардынатар праекта

Іна Краўчонак

+375(17) 207 98 35
kravchonok@dvv-international.by

Вучыцца, каб дзейнічаць

(2016-2019)

З уступленнем у дзеянне Кодэкса Рэспублікі Беларусь аб адукацыі і шэрагу спадарожных пастаноў і палажэнняў трактоўка паняцця “дадатковая адукацыя дарослых” істотна пашырылася: цяпер пад адукацыяй дарослых фактычна разумеецца не толькі сістэма павышэння кваліфікацыі, а любое арганізаванае навучанне дарослых (у тым ліку, нефармальнае). Усё гэта стварае новыя магчымасці і ставіць новыя задачы, сярод якіх: забеспячэнне эфектыўнага ўзаемадзеяння розных сацыяльных партнёраў, развіццё рэгіянальных сістэм дадатковай і нефармальнай адукацыі дарослых і іх аптымізацыя ў адпаведнасці з патрэбамі рэгіёнаў і інш. Праект “Learn to Act” / «Вучыцца, каб дзейнічаць» закліканы садзейнічаць вырашэнню гэтых задач.


Канцэпцыя праекта «Вучыцца, каб дзейнічаць» распрацавана ў рамках тэматычнай праграмы Еўрапейскага Саюза «Еўрапейскі інструмент суседства», а рэалізацыя фінансуецца Еўрапейскім Саюзам і сафінансуецца DVV International (са сродкаў Федэральнага міністэрства эканамічнага супрацоўніцтва і развіцця). Праект рэалізуецца Прадстаўніцтвам зарэгістраванага аб’яднання «Deutscher Volkshochschul-Verband e.V.» (ФРГ) у РБ у супрацоўніцтве з Асацыяцыяй дадатковай адукацыі і асветы і Народным універсітэтам г.Кам (Германія).

Асноўная мэта праекта – садзейнічанне рэалізацыі права на адукацыю на працягу ўсяго жыцця і грамадзянскі ўдзел.

Сярод спецыфічных мэтаў праекта:

  • развіццё сферы дадатковай адукацыі праз умацаванне патэнцыялу арганізацый дадатковай адукацыі, грамадскіх аб’яднанняў і мясцовых ініцыятыў у пашырэнні спектру паслуг у сферы дадатковай і нефармальнай адукацыі для жыхароў рэгіёнаў і сельскай мясцовасці;
  • ўмацаванне каардынацыі і міжсектарнага супрацоўніцтва на мясцовым і нацыянальным узроўнях.

Мэтавыя групы праекта:

  • Каля 100 прадстаўнікоў недзяржаўных арганізацый сферы дадатковай адукацыі, грамадскіх аб’яднанняў, іншых арганізацый, уключаючы 240 менеджэраў і трэнераў і 60 прадстаўнікоў мясцовых ініцыятыў;
  • Каля 1500 прадстаўнікоў груп насельніцтва, схільных рызыцы сацыяльнага выключэння ў рэгіёнах.

Тэрыторыя рэалізацыі праекта: Рэспубліка Беларусь (Брэсцкая, Віцебская, Гомельская, Гродзенская, Мінская, Магілёўская вобл.)

Тэрмін рэалізацыі праекта: 1 лютага 2016 – 31 студзеня 2019 г.

Праект уключае ў сябе 3 асноўныя кампаненты:

  1. Інстытуцыянальнае развіццё правайдэраў дадатковай і нефармальнай адукацыі і ўмацаванне навыкаў кіравання праектамі сярод супрацоўнікаў, пашырэнне спектру праграм для груп насельніцтва, схільных рызыцы сацыяльнага выключэння.
  2. Стварэнне сеткі недзяржаўных арганізацый у сферы дадатковай і нефармальнай адукацыі, якая прасоўвае нефармальную адукацыю і рэалізацыю правоў сваіх мэтавых груп.
  3. Падтрымка мясцовымі і рэгіянальнымі партнёрамі ідэі ўзаемадзеяння і міжсектарнага супрацоўніцтва, а таксама распаўсюджванне лепшых практык пасродкам каардынацыі намаганняў і сумесных дзеянняў.

Дадзеныя кампаненты праекта будуць рэалізоўвацца з дапамогай наступных мерапрыемстваў:

  • 2 адукацыйных цыкла для трэнераў (8 пяцідзённых семінараў) – «Школа адукатараў»;
  • Публікацыя метадычных дапаможнікаў «Curriculum GlobALE» і «Сеткавае ўзаемадзеянне, адвакатавання і выкарыстанне новых медыя ў дадатковай нефармальнай адукацыі»;
  • 3 пяцідзённых семінара для менеджэраў мясцовых і рэгіянальных правайдэраў дадатковай і нефармальнай адукацыі – «Школа менеджэраў»;
  • Навучальны візіт «Вучыцца, каб дзейнічаць» і стажыроўка ў Германіі для ўдзельнікаў адукацыйных мерапрыемстваў праекта;
  • 3 двухдзённых семінара для прадстаўнікоў мясцовых ініцыятыў – «Школа для пачаткоўцаў»;
  • Правядзенне конкурсу сярод мясцовых і рэгіянальных няўрадавых арганізацый на рэалізацыю 12 адукацыйных міні-праектаў для груп насельніцтва, схільных рызыцы сацыяльнага выключэння;
  • Стварэнне 3 Рэгіянальных рэсурсных цэнтраў дадатковай адукацыі дарослых у Гомелі, Віцебску і Гродне, на базе якіх будуць праводзіцца сустрэчы для адукацыйных грамадскіх аб’яднанняў і іншых арганізацый, рэалізоўвацца адукацыйныя праграмы для груп насельніцтва, схільных рызыцы сацыяльнага выключэння, аказвацца кансультацыі мясцовым установам сферы дадатковай адукацыі, грамадскім арганізацыям, ініцыятывам;
  • Правядзенне конкурсу на рэалізацыю 4 міні-праектаў па адвакатаванні і развіцці сеткавага ўзаемадзеяння паміж мясцовымі і рэгіянальнымі арганізацыямі дадатковай і нефармальнай адукацыі;
  • Стварэнне і падтрымка дзейнасці «Клуба адукатараў» з ліку ўдзельнікаў адукацыйнага цыкла «Школа адукатараў», «Школы мэнэджараў», «Школы для пачаткоўцаў»;
  • Грамадская кампанія “Караван “Вучыцца, каб дзейнічаць”, накіраваная на прыцягненне ўвагі шырокай грамадскасці да пытанняў даступнасці дадатковай і нефармальнай адукацыі ў рэгіёнах, папулярызацыю ідэі навучання на працягу ўсе жыцця і грамадзянскага ўдзелу;
  • Правядзенне VI Фестывалю нефармальнай адукацыі;
  • Падтрымка Інтэрнэт-парталу “Нефармальная адукацыя для ўсіх пакаленняў» (edu.adukatar.net);
  • Публікацыя выдання Асацыяцыі дадатковай адукацыі і асветы, часопіса «Адукатар»;
  • Стварэнне Грамадскага савета, які паслужыць платформай для абмеркавання асноўных тэндэнцый у сферы развіцця дадатковай і нефармальнай адукацыі, а таксама напрамкаў супрацоўніцтва ў грамадзянскай супольнасці.

YOU ARE LEAVING DVV INTERNATIONAL
Important notice: If you click on this link, you will leave the websites of DVV International. DVV International is not responsible for the content of third party websites that can be accessed through links. DVV International has no influence as to which personal data of yours is accessed and/or processed on those sites. For more information, please review the privacy policy of the external website provider.