На сайце Прадстаўніцтва зараз можна знайсці рускамоўную і беларускамоўную версію Маніфеста па адукацыі дарослых у XXI стагоддзі. Распрацаваны ў канца 2015 года Еўрапейскай асацыяцыяй адукацыі дарослых Маніфест ўжо стаў інструментам для распаўсюджвання змяненняў. Задачай Маніфеста стала стварэнне Еўропы, якая навучаецца: Еўропы, здольнай спраўляцца з выклікамі часу з выкарыстаннем усіх магчымых ведаў і кампетэнцый.
Маніфест накіраваны на еўрапейскіх, нацыянальных і рэгіянальных актывістаў, для іх інфармавання пра перавагі, якія дае адукацыя дарослых ва ўмовах сучасных выклікаў. Ён таксама можа быць карысным еўрапейскім правайдэрам адукацыі для распаўсюджвання паспяховых практык і лабіравання адукацыі дарослых у сваіх рэгіёнах.
У 2016 годзе Маніфест па адукацыі дарослых у XXI стагоддзі стане тэматычнай рамкай VI Фестывалю Нефармальнага Адукацыі, які адбудзецца ў Мінску 7-9 ліпеня. Фестываль праводзіцца ў рамках праекта “Вучыцца, каб дзейнічаць” (што фінансуецца са сродкаў Еўрапейскага Саюза і DVV International), мэтай якога з’яўляецца садзейнічанне рэалізацыі права на адукацыю на працягу ўсяго жыцця і грамадзянскі ўдзел. Фестываль НФА ўжо стаў традыцыйнай дэманстрацыйнай пляцоўкай і прасторай для прафесійнага абмену вопытам і ўзгаднення перспектыў развіцця правайдэраў нефармальнай адукацыі і іншых зацікаўленых бакоў.
Арыгінал на англійскай мове даступны тут.