Асацыяцыя дадатковай адукацыі і асветы пры падтрымцы Прадстаўніцтва Нямецкай асацыяцыі народных універсітэтаў запрашае прадстаўнікоў мясцовых адукацыйных ініцыятыў прыняць удзел у адукацыйным курсе «Школа для пачаткоўцаў». Двухдзённыя семінары будуць арганізаваны ў лістападзе 2017 года ў Віцебску, Гомелі і Гродна.
Адукацыйны курс «Школа для пачаткоўцаў» для Гомельскай і Магілёўскай абласцей пройдзе 11-12 лістапада 2017 г. пад Гомелем. Тэрмін падачы анкет 25 кастрычніка 2017 г. Падрабязнасці тут >>
Адукацыйны курс «Школа для пачаткоўцаў» для Віцебскай і Мінскай абласцей пройдзе 18-19 лістапада 2017 года ў Віцебску. Тэрмін падачы анкет: 5 лістапада 2017 г. Падрабязнасці тут >>
Адукацыйны курс «Школа для пачаткоўцаў» для Гродзенскай і Брэсцкай абласцей пройдзе 25-26 лістапада 2017 года на базе Рэгіянальнага рэсурсавага цэнтру па развіцці дадатковай адукацыі дарослых у Гродна. Тэрмін падачы анкет 12 лістапада 2017 г. Падрабязнасці тут >>
Па выніках навучання ўдзельнікі атрымаюць базавыя веды па стварэнні недзяржаўных некамерцыйных арганізацый. Адукацыйны курс «Школа для пачаткоўцаў» праводзіцца ў рамках праекта "Вучыцца, каб дзейнічаць».
Мэта Школы: павышэнне ўзроўню кампетэнтнасці ўдзельнікаў у пытаннях арганізацыі праграм нефармальнай адукацыі, а таксама стварэння і рэгістрацыі недзяржаўных некамерцыйных арганізацый, арыентаваных на аказанне адукацыйных паслуг
Асноўныя тэмы адукацыйнага курса:
1. «Нефармальная і грамадзянская адукацыя як інструмент вырашэння грамадскіх выклікаў»;
2. Арганізацыйна-прававыя формы некамерцыйных арганізацый і іх асаблівасці. Стварэнне і рэгістрацыя недзяржаўных арганізацый;
3. Недзяржаўная арганізацыя пасля атрымання рэгістрацыі: бухгалтарскае і фінансавае кіраванне.
Крытэрыі адбору ўдзельнікаў:
• мясцовы і рэгіянальны характар дзейнасці ініцыятывы;
• імкненне стварыць і зарэгістраваць некамерцыйную арганізацыю;
• жаданне распрацаваць новую адукацыйную праграму для дарослых.
Дадатковыя магчымасці:
Для прадстаўнікоў мясцовых ініцыятыў, якія прайшлі навучанне на курсе «Школа для пачаткоўцаў», будзе арганізавана юрыдычнае кансультаванне па пытаннях прававога рэгулявання адукацыйнай дзейнасці ў недзяржаўным некамерцыйным сектары. Кваліфікаваныя спецыялісты дапамогуць падрыхтаваць дакументы для рэгістрацыі і, пры неабходнасці, прадставяць інтарэсы ініцыятыў ў органах рэгістрацыі.
У выпускнікоў «Школы для пачаткоўцаў» будзе магчымасць удзельнічаць і ў іншых ініцыятывах Асацыяцыі, такіх, як "Клуб адукатараў" ці Рэгіянальныя рэсурсныя цэнтры дадатковай адукацыі дарослых. Далучыўшыся да супольнасці выкладчыкаў, трэнераў, андрагогаў, мясцовыя актывісты будуць атрымліваць падтрымку ад калег і аднадумцаў, абменьвацца досведам і лепшымі практыкамі.
-------------------------------------------------- ----------------------------------------------
Адукацыйны курс «Школа для пачаткоўцаў» праводзіцца ў рамках праекта "Вучыцца, каб дзейнічаць», які рэалізуецца ў Беларусі Прадстаўніцтвам зарэгістраванага аб'яднання "Deutscher Volkshochschul-Verband e.V.» (Федэратыўная Рэспубліка Германія) у Рэспубліцы Беларусь у супрацоўніцтве з Асацыяцыяй дадатковай адукацыі і асветы. Праект фінансуецца Еўрапейскім саюзам і сафінансуецца DVV International (са сродкаў Федэральнага міністэрства эканамічнага супрацоўніцтва і развіцця).